- किरण लिम्बू
संखुवासभा । जिल्लाको चैनपुर नगरपालिका–१ नुनढाकी स्थित मिल्के जनउत्थान मञ्चको आयोजनामा पालिका वडास्तरीय पुरुष फुटबल प्रतियोगिता संचालन हुने भएको छ ।
विगतका वर्षजस्तै यस पटक पनि मिल्के जनउत्थान मञ्चको आयोजनामा चैनपुर नगरपालिका–१ नुनढाकी तातोपानी खेलमैदानमा पालिका वडास्तरीय पुरुष फुटबल प्रतियोगिताको हुने भएको हो । आगामी चैत ३० गतेबाट प्रतियोगिता शुरु भई २०८२ वैशाख १ गते समापन हुने आयोजक मिल्के जनउत्थान मञ्चले जानकारी दिए ।
पालिका वडास्तरीय पुरुष फुटबल प्रतियोगिता हुने भएकाले जिल्लाभित्र र बाहिरका दुई दर्जन हाराहारी टिमले सहभागीता जनाउने बताए ।
उक्त फुटबल प्रतियोगितामा प्रथम पुरस्कार रू. २० हजार ट्रफी, मेडल र प्रमाणपत्र रहेको छ भने द्वितिय पुरस्कार रू. १० हजार ट्रफी, मेडल र प्रमाणपत्र रहेको छ भने उत्कृष्ट खेलाडीलाई प्रोत्साहन स्वरूप उचित पुरस्कारको व्यवस्था गरिएको छ ।
