संखुवासभा। विश्वब्यापी गायन प्रतियोगिता मेरो भोईस युनिभर्समा सिक्किमका प्रितम राई विजेता भएका छन् भने मेरो डान्स युनिभर्समा थाईल्याण्डका खुसी कार्की विजेता भएका छन् ।
गायन तर्फका विजेता प्रितमले पनि उपाधिसँगै नगद एक करोड रुपैयाँ प्राप्त गरेका छन् । गायन तर्फ शिशिर ठटाल दोश्रो, सरद हुमागाई तेश्रो, परेश राई चौंथो र सरद खाती पाँचौ भएका छन् ।
थाईल्याण्डबाट प्रतिनिधित्व गरेका कार्कीले मेरो डान्स युनिभर्स प्रतियोगिताको उपाधीसँगै नगद एक करोड जितेका छन् । डान्स प्रतियोगितामा देवी गर्बुजा मगर, तेश्रो मिड्मा डि लेप्चा, चौँथो स्वस्तिक अर्याल र पाँचौ नेशन मगर भएका छन्।
शनिबार सम्पन्न भएको ग्राण्ड फिनालेमा प्रधानमन्त्री पुष्पकमल दाहाल (प्रचण्ड) प्रमुख अतिथि बनेका थिए । भने सभामुख देवराज घिमिरे, परराष्ट्र मन्त्री एनपी साउत लगायतका मन्त्री, उच्च पदस्थ अधिकारीहरुको उपस्थिती रहेको थियो । 
