संखुवासभा । जिल्लाको मादी नगरपालिकामा आफ्नै श्रीमानले खुकुरी प्रहार गरि श्रीमतीको हत्या गरेका छन्।
शनिबार विहान करिब ५ः५० बजे समयमा जिल्लाको चैनपुर नगरपालिका–७ स्थायी घर भई हाल मादी नगरपालिका–४ डाडाँगाउँमा बस्ने ५६ बर्षीय अमरबहादर सार्कीले आफ्नै श्रीमती ४३ बर्षीय फुलमाया मुदेललाई घरायसी विवादको कारण आफ्नै घरमा रहेको धारिलो हतियार (खुकुरी) प्रहार गरी हत्या गरेको जिल्ला प्रहरी कार्यालय संखुवासभाका डिएसपी कुमारप्रसाद मैनालीले बताए ।
घटनाको थप अनुसन्धान तथा काननी प्रकृयाको लागि इलाका प्रहरी कार्यालय चैनपुरबाट प्रहरी निरिक्षक पर्शुराम राईको कमाण्डमा टोली खटिगएको छ भने लाश पोष्टमार्टमका लागि मादी नगरपालिकाको केन्द्र ओखरबाटे ल्याइएको जिल्ला प्रहरी कार्यालय संखुवासभाले जनाएको छ ।
