संखुवासभा । जिल्लाको सभापोखरी गाउँपालिकामा जबरजस्ती करणी गरी फरार भएका ब्यक्ति पक्राउ परेका छन् ।
सभापोखरी गाउँपालिका–२ लिम्बुटार घरभएका ६४ बर्षीय दिलबहादुर श्रेष्ठ पक्राउ परेको जिल्ला प्रहरी कार्यालय संखुवासभाका प्रहरी निरिक्षक अशोककुमार जबेगुले बताए । उनको अनुसार, श्रेष्ठले एक महिलालाई गत ०८० साउन २० गते सम्म र त्यो भन्दा अगाडी देखि पटक–पटक ललाई फकाई विभिन्न प्रलोभनमा पारी जबरजस्ती करणी गरेको उजुरी परेपछि उनी फरार रहेका थिए । फरार रहेका श्रेष्ठलाई सोमबार खाँदबारी नगरपालिका–१ स्थित टुडीखेल बजारबाट प्रहरीले नियन्त्रण लिएको हो ।
श्रेष्ठलाई नियन्त्रणमा लिई मुलुकी अपराध संहिता, २०७४ बमोजिम जबरजस्ती करणी मुद्धामा अनुसन्धान भईरहेको संखुवासभा प्रहरीले जनाएको छ ।
पटक पटक पनी बलात्कार हुन्छ अचम्म छ।मिल्दा चमत्कार कुरो नमिलेपछी बलत्कार।