संखुवासभा । सरकारले यस वर्षको राष्ट्रिय भिटामिन ‘ए’ कार्यक्रम आज र भोलि सञ्चालन गर्ने भएको छ ।
सरकारले हरेक वर्ष पहिलो चरणमा कात्तिक २ र ३ गते तथा दोस्रो चरणमा वैशाख ६ र ७ गते गरी दुई पटक कार्यक्रम सञ्चालन गर्दै आएको छ । तर, यस वर्ष दशैँ परेका कारण पहिलो चरणको कार्यक्रम कात्तिक १७ र १८ गते तय गरिएको स्वास्थ्य सेवा विभाग अन्तर्गतको परिवार कल्याण महाशाखाले जनाएको छ।
दुई दिने अभियानमा ६ देखि ५९ महिनाका झण्डै ३२ लाख बालबालिकालाई भिटामिन ‘ए’ क्याप्सुल खुवाइने छ । यसैगरी १ देखि ५ वर्षसम्मका २९ लाखभन्दा धेरै बालबालिकाहरुलाई जुकाको औषधि खुवाइनेछ ।
जिल्ला स्वास्थ्य कार्यालय संखुवासभाले यहि कात्तिक १७ र १८ गते राष्ट्रिय भिटामिन ए कार्यक्रम तय गरिएकाले ६ महिना देखि ५ बर्ष सम्मका आफ्ना बालबालिकाहरुलाई नजिकको केन्द्रमा भिटामिन ए तथा जुकाको औसधि खुवाउन अनुरोध गरेको छ ।
