संखुवासभा । जिल्लाको पर्यटकीय क्षेत्र चैनपुर नगरपालिका–१ मा रहेको गुफापोखरीमा फुटबल प्रतियोगिता हुने भएको छ ।
‘खेलकुदको सन्देश, एकताबद्ध देश’ भन्ने मुलनाराका साथ मेन्छायम युवा क्लबको आयोजनामा यहि कात्र्तिक २१ देखि २५ गतेसम्म खुल्ला फुटबल प्रतियोगिताका साथै केलाङ नृत्य र पुक्लुम् लेप्मा (छेलो हान्ने) प्रतियोगिताको आयोजना गरिएको क्लबका अध्यक्ष भीम लिम्बूले बताए । २०४७ सालदेखि निरन्तर रुपमा रानीमेला आयोजना गर्दै आएपनि कोरोना महामारी पछि बन्द रहेको र यो बर्षदेखि पुनः खेलकुदका साथै विभिन्न मनोरञ्जनात्मक प्रतियोगिताको आयोजना गरिएको क्लबका अध्यक्ष लिम्बूको भनाइ छ ।
खुल्ला फुटबल प्रतियोगिताका विजेताले नगद रु. १ लाख १ हजार १११ रुपैया, तीनबर्षे कप, मेडल र प्रमाणपत्र प्राप्त गर्नेछन् भने उपविजेताले नगद रु. ५१ हजार रुपैया, दुईबर्षे कप, मेडल र प्रमाणपत्र प्राप्त गर्नेछन् । त्यसैगरि तृतीयले नगद रु.२५ हजार रुपैया, एकबर्षे कम, मेडल र प्रमाणपत्र पाउनेछन् । उत्कृष्ट गोल रक्षक, उत्कृष्ट खेलाडी र सर्वोकृष्ट खेलाडीलाई जनही पुरस्कृत गरिनेछ ।
त्यसैगरि केलाङ नृत्य तर्फ प्रथम हुनेले नगद रु.५० हजार, द्धितियले नगद रु.३० हजार र तृतीयले नगद रु.२० हजार प्राप्त गर्ने आयोजकले जनाएको छ । त्यसैगरि पक्लुम् लेप्मा (छेलो हान्ने) तर्फ प्रथमले नगद रु. ७ हजार, द्धितियले नगद रु ५ हजार र तृतीयले नगद रु. ३ हजार प्राप्त गर्नेछन् ।
