संखुवासभा । विहिबार प्रकाशन भएको माध्यमिक शिक्षा परिक्षा (एसईई) परिक्षामा फेल भएपछि खाँदबारी नगरपालिका ३ का एक विद्यार्थीले देहत्याग गरेका छन् ।
खाँदबारी ३ का ऋषि घिमिरेका १७ बर्षीय छोरा आशिष घिमिरेले विहिबार राति आफनै कोठामा पासो लगाएर देहत्याग गरेको जिल्ला प्रहरी कार्यालय संखुवासभाका प्रहरी निरिक्षक रामकुमार लामिछानेले बताए । मृतक आशिषको जिल्ला अस्पताल खाँदबारीमा पोष्टमार्टमपछि आफन्तले शुक्रबार अरुण नदिमा अन्तेष्टी गरेका छन् ।
आशिष स्थानीय खाँदबारी ३ मानेभञ्जाङमा रहेका महेन्द्र माध्यमिक विद्यालयबाट एसईई परिक्षा दिएका थिए । सो विद्यालयका ९२ जनाले एसईई दिएकोमा २९ जना विद्यार्थी उत्तिर्ण भएका थिए । मृतक आशिष ऋषिका जेठा छोरा हुन भने उनका दुई बहिनीहरु रहेका छन् ।
