काठमाडौं । लक्ष्मण रिजालको निर्देशनमा बन्न लागेको फिल्म ‘काजी’को शीर्ष भूमिकामा अभिनेता विपिन कार्की अनुबन्धित भएका छन् ।
निर्माण टिमले बिहीबार विपिनसँग सम्झौता गरेको हो । रिजाल एण्ड रिजाल प्रोडक्सनको ब्यानरमा बन्ने फिल्मको निर्माता रामप्रसाद रिजाल हुन् ।
फिल्ममा वर्षा सिवाकोटी, बुद्धि तामाङ, विजय बराल, सुमन कार्की र कैलाश कार्कीको समेत अभिनय रहनेछ ।
फिल्म सन् २०१३ को सेटिङमा बेलायतका विभिन्न स्थानमा छायांकन गरिने रिजालले बताए । फिल्मको छायांकन भदौदेखि सुरु गर्ने तयारी छ । फिल्ममा सविन कार्की र असिम काफ्लेको लेखन छ ।
