संखुवासभा । बालबालिकाको क्षेत्रमा काम गर्दै आएको लायन्स क्लबअफ काठमाण्डौ संखुवासभा डाईमण्डले विद्यार्थीलाई पोसाक (न्यानो कपडा) वितरण गरेको छ ।
लायन्स क्लब संखुवासभा डाईमण्डले खाँदबारी नगरपालिका – ८ पिप्ले स्थित आदर्श माध्यमिक विद्यालयका शिशु कक्षा देखि कक्षा दुई सम्मका विद्यार्थीलाई पोसाक वितरण गरेको हो ।
आदर्श माध्यमिक विद्यालयमा अध्ययनरत शिशु कक्षा देखि कक्षाका आर्थिक अवस्था कमजोर भएका विपन्न कक्षा दुई सम्मका विद्यार्थीलाई न्यानो कपडा वितरण गरिएको लायन्स क्लबअफ काठमाण्डौ संखुवासभा डाईमण्डका अध्यक्ष मनोज कटुवालले जानकारी दिए ।
सोमबार एक कार्यक्रमका बीच आर्थिक रुपमा विपन्न विद्यार्थीलाई न्यानो कपडा वितरण गरिएको लायन्स क्लब संखुवासभा डाईमण्डका अध्यक्ष कटुवालले बताए । बालबालिकाको क्षेत्रमा काम गर्दै आएको लायन्स क्लबले यसअघि सूर्य आवासिय बोर्डिङ स्कुलका विद्यार्थीलाई स्कुल ब्याग वितरण गरिसकेको छ ।
कार्यक्रममा क्लवको पदाधिकारी, आदर्श माध्यमिक विद्यालयका प्रधानाध्यापक टेकराज कटुवाल, खाँदबारी – ८ का वडासदस्यद्धय हरिहर खनाल र उमेश श्रेष्ठ लगायतको सहभागीता रहेको थियो ।
