संखुवासभा । खाँदबारी नगरपालिकाका मेयर महेश थपलिया संयुक्त राज्य अमेरिकाको कोलोराडोस्थित टाउन अफ सुपेरियर सिटीको निमन्त्रणामा अमेरिका गएका छन् ।
सेटेम्बर ६ र ७ मा आयोजित सिस्टर सिटी बोर्ड बैठकमा सहभागी हुन मेयर थपलियाले अमेरिका गएका हुन् । मेयर थपलियालाई टाउन अफ सुपेरियर सिटी मेयर क्लिन्ट फल्समको औपचारिक निमन्त्रणामा अमेरिका गएका हुन् । मेयर थपलियालाई सुपेरियर सिटी मेयर क्लिन्ट फल्समले भब्य स्वागत गरेका छन् ।
उनले त्यहाँको वस्तुस्थिती र खाँदबारी नगरपालिकामा विभिन्न कार्यक्रमहरु भित्राउन पहल गरिने बताइएको छ । मेयर थपलियाले सुपेरियर सिटीको विभिन्न कार्यक्रमहरु सहभागी भई विभिन्न ठाउँहरुको समेत अवलोकन भ्रमण गर्ने जनाएको छ । मेयर थपलियाले अमेरिकाको जस्तै विकास र निर्माण लगायत त्यहाँका नीति नियमका बारेमा अध्ययन अवलोकन भ्रमण गरिने जनाएको छ ।
यसअघि २०७९ साल मंसिर ६ गते सुपेरियर सिटीका मेयर क्लिन्ट फोलसम सहितको टोली खाँदबारी भ्रमणमा आएका थिए । भने यसअघि पनि खाँदबारी नगरपालिकाका मेयर महेश थपलिया, उपमेयर महेश्वरा श्रेष्ठ बज्राचार्य, तत्कालीन प्रमुख प्रशासकीय अधिकृत युवराज आचार्य, प्रशासकीय अधिकृत दिनेश कटटेल र लेखा अधिकृत रुद्रमणि श्रेष्ठ लगायतको टोली अमेरिका भ्रमणका लागि गएका थिए । अहिले भने मेयर थपलिया एक्लै बोर्ड बैठकमा सहभागी हुन गएका हुन् । मेयर थपलियाले दुई हप्ते बसाईपछि नेपाल फर्किने मेयरका स्वकीय सचिव गोकुल खनालले जानकारी दिए ।
केही
समयअघि खाँदबारी नगरपालिकाका टाउन अफ सुपेरियर सिटी दुवै नगरपालिका बीच भगिनी सम्बन्ध कायम भएको छ । त्यसैगरि खाँदबारी नगरपालिकाले अमेरिकाको बोल्डर सिटीका मेयरले समेत स्वागत गरेका छन् । केही समयअघि बोल्डर सिटीका मेयर दम्पत्ति लगायतको टोली खाँदबारी भ्रमणमा आएका थिए । खाँदबारी नगरपालिका र बोल्डर सिटी बीच पनि भगिनी सम्बन्ध कायम भएको छ । अमेरिकाको यि दुई सिटीसँग भगिनी सम्बन्ध कायम गराउने पुलको रुपमा खाँदबारीका अग्रस समाजसेवी नारायण श्रेष्ठले भूमिका खेलेका हुन् । उनी लामो समयदेखि अमेरिकामा बस्दै आएका छन् । उनको शिक्षा र स्वास्थ्यमा लगानी रहेको छ ।
