संखुवासभा । जिल्लाको खाँदबारी नगरपालिकाको ८ नम्बर वडा पूर्ण खोप सुनिश्चित घोषणा गरिएको छ ।
मंगलबार खाँदबारी–८ स्थित वडा कार्यालयमा वडा खोप समन्वय समितिको आयोजनामा पूर्ण खोप दिगोपना सुनिश्चितता वडा घोषणा कार्यक्रम सम्पन्न गरिएको हो । आर्थिक बर्ष २०८०/८१ मा खाँदबारी नगरपालिका वडा नं. ८ मा पूर्ण खोप प्राप्त गर्ने १६ देखि ५९ महिना सम्मका र बालबालिकाहरुले नियमित खोप पाइरहेका बताइएको थियो । खोपकार्ड नभएका बालबालिकालाई खोप कार्ड उपलब्ध गराइने र कुनै पनि बालबालिकाहरुले पूर्ण खोप पाउनुपर्ने अन्तरक्रिया कार्यक्रममा जानकारी दिइएको थियो।
कार्यक्रममा खाँदबारी नगरपालिका ८ नम्बर वडाका वडाध्यक्ष डम्बरबहादुर कटुवालले वडाभित्रका कुनै पनि मानिसहरु खोपबाट बञ्चित हुन नहुने बताए । उनले स्वास्थ्यकर्मीहरुले घरघरमा नै पुगेर खोप प्राप्त गरे नगरेको बारेमा अध्ययन र अनुगमन गर्न समेत अनुरोध गरेका थिए ।
उक्त कार्यक्रममा अर्चले स्वास्थ्य चौकीका इन्चार्ज सिता घिमिरे, स्वास्थ्य स्वमंसेविकाहरु श्यामकला राई, शोभा बजगाई र अनमी रेनुका राईलाई मायाँ चिनोद्धारा सम्मान गरिएको थियो भने ८ नम्बर वडा कार्यालयका कर्मचारीहरु सुरेन्द्र बिष्ट (कार्यालय सहयोगी) मायाँको चिनो हस्तान्तरण गरिएको खाँदबारी नगरपालिका ८ नम्बर वडाका वडा सदस्य उमेश श्रेष्ठले बताए ।
