संखुवासभा । संखुवासभाको खाँदबारीमा सम्पन्न तीनपोखरी कप फुटबलको उपाधी एपीएफ कोशी प्रदेश फुटबल टिमले जितेको छ ।
सोमबार खाँदबारी रंगशालामा सम्पन्न खेलमा संखुवासभाको शीतलपाटी फुटवल क्लवलाई २–१ गोलले हराउँदै एपीएफले उपाधी जितेको हो । एपीएफका तर्फबाट पहिलो हाफको २१ औ मिनेटमा हरि कार्कीले गोल गरेका थिए । दोश्रो हाफको २६ औ मिनेटमा शीतलपाटीका मिलन चाम्लिङ्गले गोल गरेर खेललाई बराबरमा ल्याएका थिए । त्यसको ४ मिनेट बित्न नपाउदै शीतलपाटीका महेन्द्र कार्कीले ३० औ मिनेटमा आत्मघाती गोल गरेपछि एपीएफले उपाधी हात पारेको थियो ।
विजता बनेका एपीएफले २ लाख २२ पायो भने उपविजेता बनेको शीतलपाटीले १ लाख ११ हजारमा चित्त बुझाउन बाध्य भए ।
प्रतियोगितामा एपीएफका उज्जवल चाम्लिङ्ग उत्कृष्ठ, शीतलपाटीका मिलन चाम्लिङ्ग हाईस्कोरर र एपीएपका सुजन बिक उत्कृष्ठ गोल रक्षक घोषित भएका थिए ।
तीनपोखरी समाज विकास क्लबले माघे संक्रान्तिको अवसरमा पुस २६ गते देखि प्रतियोगिता आयोजना गरेको थियो । सो प्रतियोगितामा विभिन्न जिल्लाका १२ टिमको सहभागिता रहेको थियो ।
