- मोहनकुमार राई
संखुवासभा (चैनपुर) । विद्यार्थीहरु वीच प्रतिस्पर्धाको विकास होस् भन्ने उद्धेश्यले विद्यालयमा हुने अतिरिक्त क्रियाकलाप अन्तरगत शारदा मावि पोखरीले चैनपुर नगरपालिका भित्रका अन्तरमावि छात्र भलिवल प्रतियोगिता गर्ने भएको छ ।
‘आत्मियता अनुशासन र लगनशिलता शिक्षासँगै खेलकुद आजको आवश्यकता’ भन्ने नाराका साथ नगरभित्रका माध्यमिक तहका छात्रहरु वीच यहि पुस १३, १४ र १५ गते भलिवल प्रतियोगिता सम्पन्न गर्ने भएको शारदा मावि पोखरीका सुचना अधिकारी रामेश्वर योञ्जनले बताए ।
प्रतियोगितामा प्रथम हुने टिमलाई नगद १५ हजार, ट्रफी, मेडल तथा प्रमाणपत्र, द्वितीय हुने टिमलाई नगद १० हजार, ट्रफी, मेडल तथा प्रमाणपत्र र सेमी फाइनलिस्ट दुवै टिमलाई ५/५ हजार नगद प्रदान गरिने विद्यालयका खेलशिक्षक मोहनकुमार खत्रीले जानकारी दिए ।
भलिवल प्रतियोगिताको लागि चैनपुर नगरपालिका वडा नं. ३ बाट रु २५ हजार, वडा नं. २, ४ र ५ ले रु २० हजारका दरले आर्थिक सहयोगमा भलिवल प्रतियोगिता हुन लागेको चैनपुर नगरपालिका वडा नंं. ५ का वडाध्यक्ष कालीबहादुर लिम्बूले बताए ।
शिक्षा नियमावली २०५९ कोे परीच्छेद १४ को नियम ७६ मा अतिरीक्त क्रियाकलापको व्यवस्था भएको छ । अतिरीक्त क्रियाकलाप अन्तरगत खेलिने खेल प्रतियोगिताले राष्ट्रिय भावना जगाउनका साथै मनोरञ्जन र शारीरिक विकास पनि हुने हुँदा यस किसिमको प्रतियोगिता उपयोगी रहेको विद्यालयका प्रधानाध्यापक अमृतबहादुर कार्कीले बताए ।
सोमबार विद्यालय व्यवस्थापन समिति, जनप्रतिनिधि, खेल शिक्षक लगायतको उपस्थितिमा भलिवल प्रतियोगिता आयोजनाको निर्णय गरिएको विद्यालयको भनाइ छ ।
