संखुवासभा । जिल्लाका खाँदबारी नगरपालिका सहित चार वटा पालिका प्रमुख १० दिने भारत भ्रमणमा जाने भएका छन् ।
शुक्रबार एक प्रेस विज्ञप्ती जारी गर्दै खाँदबारी नगरपालिकाका नगर प्रमुख महेश थपलियाले यस्तो जानकारी दिएको हो । यहि फागुन १४ गते देखि २४ गते सम्म १० दिन भारतको हैदरावादमा आयोजना हुने अन्तराष्र्टि«य तालिममा सहभागी हुनाका साथै विभिन्न ठाउँहरुको अध्ययन भ्रमण गर्ने जनाएको छ ।
भारतीय दुतावासको निमन्त्रणामा संखुवासभाको खाँदबारी नगरपालिका नगर प्रमुख महेश थपलिया, पाँचखपन नगरपालिकाका नगर प्रमुख विपीन राई, चिचिला गाउँपालिका अध्यक्ष पासाङ नुर्बू शेर्पा र सिलीचोङ गाउँपालिका अध्यक्ष भूपालराज मेवाहाङ र कर्मचारी गरि १३ जनाको भ्रमण टोली जाने जनाएको छ ।
उक्त १० दिने भ्रमणमा भारतले गरेको नयाँ-नयाँ प्रविधीहरुको अध्ययन भ्रमण, कृषि तथा वागवानी क्षेत्रको अध्ययन भ्रमण गरिने जनाएको छ । भ्रमणमा जाँदा स्थानीय चारै वटा पालिकाको कुनै खर्च नहुने र सम्पूर्ण खर्च भारतीय दुतावासले ब्यहोर्ने जनाएको छ भने यता कार्यालयको दैनिक सधैं जस्तै संचालनमा रहने जनाएको छ ।
