संखुवासभा । नेपाली कांग्रेसको ७६ वटै वडाहरुको वडा अधिवेशन सम्पन्न हुदाँ नेतृत्व तहमा ३ जना महिलाहरु वडा सभापति बनेका छन् ।
कांग्रेसको केन्द्रीय कार्यतालिका अनुसार असोज ३ र ४ गते संखुवासभाको सबै वडाहरुा वडा अधिबेशन सम्पन्न भएको हो ।
७६ वटा वडामध्ये ३ वटा वडा सभापतिमा महिला सभापति चयन भएको नेपाली कांग्रेसका जिल्ला सचिव टकमान घलेले बताए । उनका अनुसार, खाँदबारी नगरपालिका वडा नं. ६ मा यसोदा मगर सर्वसम्मत सभापति चयन भएकी छिन् भने खाँदबारी नगरपालिका वडा नं. ७ मा कल्पना मगर सभापति चयन भएकी छिन् । त्यसैगरि पाँचखपन नगरपालिका वडा नं. २ मा अमृता तामाङ दोस्रो कार्यकालका लागि वडासभापतिमा सर्वसम्मत चयन भएकी छिन् । नेपाली कांग्रेसले महिलाहरुलाई नेतृत्वमा तहमा पुर्याउने काम गरिरहेको जनाएको छ ।
नेपाली कांग्रेसले आगामी असोज ७ गते गाउँ/नगर अधिवेशन, असोज १० गते प्रदेशसभा निर्वाचन क्षेत्रीय अधिवेशन र प्रतिनिधि सभा निर्वाचन क्षेत्रीय अधिवेशन सम्पन्न गरि असोज १६ देखि १९ गते सम्म केन्द्रिय अधिवेशन सम्पन्न गर्ने कार्यतालिका सार्वजनिक गरेको छ ।
