काठमाडौँ । उर्जा, जलस्रोत तथा सिंचाईमन्त्री दीपक खड्काले नवीकरणीय उर्जाको विकासका लागि नवीकरणीय उर्जा तथा उर्जा दक्षता नियमावली र संस्थाको सङ्गठन तथा व्यवस्थापन सर्भेलाई अगाडि बढाउन निर्देशन दिनुभएको छ ।
केन्द्रको सञ्चालक समितिका अध्यक्षसमेत रहनुभएका मन्त्री खड्काको अध्यक्षतामा आज सिंहदरबारमा बसेको बैकल्पिक उर्जा प्रवद्र्धन केन्द्रको वोर्ड बैठकमा उहाँले मुलुकमा नवीकरणीय उर्जाको विकासका लागि आवश्यक पर्ने नियमावली र संस्थाको सङ्गठन तथा व्यवस्थापन सर्भेलाई अगाडि बढाउन निर्देशन दिनुभएको हो ।
नवीकरणीय उर्जा तथा उर्जा दक्षता सम्बन्धमा व्यवस्था गर्न बनेको विद्येयक– २०८१ हाल सङ्घीय संसदमा प्रस्तुत भइसकेको छ । मन्त्री खड्काले नवीकरणीय उर्जा क्षेत्रको विकासका लागि सरकारले राखेको लक्ष्य पुरा गर्न वैकल्पिक उर्जा प्रवद्र्धन केन्द्र लाग्नुपर्ने बताउनुभयो ।
केन्द्रका कार्यकारी निर्देशक नवराज ढकालले बैठकमा केन्द्रमार्फत आव २०८०/०८१ सञ्चालित कार्यक्रम र आयोजनाको प्रगतीको समिक्षा, आव २०८१/०८२ को वार्षिक कार्यक्रम तथा वजेट विस्तृतिकरण, केन्द्रलाई आवश्यक पर्ने जनशक्ति व्यवस्थापनलगायतमा छलफल भएको जानकारी दिनुभयो ।
नवीकरण उर्जा बिकासमा भईरहेको कामको अनुगमन गरि कमि कम्जोरिहरु सुधार्न अति आवश्यक छ । कति पय हाईड्रोपावर कम्पनीहरुले गुणस्तर हिन काम गरिरहेका छन् । यसले समृद्ध नेपालको बिकासमा टेवा पुर्याउँदैन । केबल कम्पनी सञ्चालकहरु मात्र पोषाउँछन् ।