संखुवासभा । खाँदबारी नगरपालिका ४ नम्बर वडा कार्यालयले सुन्तलाको विरुवा र तरकारी विउविजन वितरण गरेको छ ।
चालु आर्थिक बर्ष २०८१/८२ अन्तर्गत वडाद्धारा बिनियोजित एक लाख रुपैया र कृषकको ५० प्रतिशत साझेदारी गरि कुल दुई लाख रुपैया बराबरको सुन्तलाको विरुवा र उन्नत जातका तरकारी र गोलभेडाको विउ वितरण गरिएको खाँदबारी ४ नं. वडा कार्यालयका कार्यवहाक वडाध्यक्ष पवित्राकुमारी गुरुङले जानकारी दिइन ।
उनको अनुसार, सुन्तलाको विरुवा दुई हजार वटा रु.६० हजार बराबरको र ४० हजार रुपैया बराबरको तरकारी विउविजन अन्तर्गत गोडभेडा, सिमी लगायतका विउहरु वितरण गरिएको हो । कृषकहरुलाई ५० प्रतिशत अनुदानमा वडाले सुन्तलाको विरुवा र विउविजनहरु उपलब्ध गराएका थिए ।
वडाबासीहरुको मागको आधारमा ४ नम्बर वडा कार्यालयले अनुदान सहयोग उपलब्ध गराएको हो । वडाले कृषकहरुबाट मागको आधारमा निवेदन संकलन गरि पारदर्शी ढंगले अनुदान सहयोग वितरण गरेको वडा कार्यालयले जनाएको छ ।
