संखुवासभा । जिल्लाको सभापोखरी गाउँपालिका–६ बाह्रबिसे बजारका आगोलागीबाट विचल्लीमा परेका पाँच घरपरिवारलाई खाँदबारी नगरपालिकाले ५० हजार रुपैया सहयोग गरेको छ ।
सोमबार स्थलगत रुपमा बाह्रबिसे पुगेर खाँदबारी नगरपालिकाका मेयर महेश थपलिया, प्रमुख प्रशासकीय अधिकृत भक्तवहादुर खड्काले संयक्त रुपमा सभापोखरी गाउँपालिकाका अध्यक्ष भीमबहादुर लिम्बू र प्रमुख प्रशासकीय अधिकृत बुकुप्रसाद आचार्यलाई सहयोग रकमको चेक हस्तान्तरण गरेका हुन् ।
गत माघ २ गते अकस्मात घरमा आगोलागी हुँदा स्थानीय रामबहादुर राई, अमृता राई, लालसिंह लिम्बू र सूशील तामाङका २ वटा घर गरि पाँच वटा घर जलेर नष्ट भएको थियो । उक्त घरमा डेरा गरेर बस्ने गरि कुल १७ परिवार विचल्लीमा परेका छन् । उनीहरुलाई विभिन्न निकायबाट सहयोग जुटने क्रम जारी रहेको छ ।
