संखुवासभा । चिचिला गाउँपालिकास्तरीय राष्ट्रपति रनिङ शिल्ड प्रतियोगिताको उपाधी जालपा माध्यमिक विद्यालय डाँडागाउँले जितेको छ ।
जालपा माविले १० स्वर्ण, ४ रजत र ८ कास्य पदक प्राप्त गर्दै प्रथम स्थान हासिल गरेको हो । त्यसैगरि दोस्रो स्थान सरस्वती माध्यमिक विद्यालय बलौटे भए । सो विद्यालयले ९ स्वर्ण, ११ रजत र ३ कास्य प्राप्त गरेका थिए भने धर्मदेवी माध्यमिक विद्यालय देवीटार तृतीय बने । सो विद्यालयले ६ स्वर्ण, ८ रजत र १२ कास्य पदक प्राप्त गरेका थिए । प्रतियोगिताको अन्तिम अर्थात चौथो प्रभात माध्यमिक विद्यालय बर्देउ भएका थिए । सो विद्यालयले ५ स्वर्ण, ७ रजत र १२ कास्य पदक प्राप्त गरेको चिचिला गाउँपालिका विद्यालय सुपरिवेक्षक महेन्द्र राईले जानकारी दिए ।
उक्त प्रतियोगितामा भलिवल, कबड्डी, सटफुट, लङजम्प, पिल जम्प, ज्याभ्लिङ थ्रो, १०० देखि ३००० मिटर सम्मको दौड छात्र÷छात्राको लागि प्रतियोगिता संचालन गरिएको थियो । माध्यमिक स्तरका विद्यालयहरु सहभागी रहने चिचिला गाउँपालिकाभित्रका चार वटा विद्यालयहरुले सहभागीता जनाएका थिए ।
कार्यक्रमको चिचिला गाउँपालिकाका अध्यक्ष पासाङनुर्बू शेर्पाले पानसमा बत्ती बालेर उद्घाटन गरेका थिए भने समापन समारोहमा विजेता टिमहरुलाई पुरस्कार हस्तान्तरण गरेका थिए ।
