संखुवासभा । सेपाकताक्रो संघ संखुवासभाले आयोजनामा संचालित अन्तरमाध्यमिक विद्यालय स्तरीय सेपाकताक्रो प्रतियोगिताको उपाधि हिमालय माध्यमिक विद्यालय खाँदबारीले हात पारेको छ।
छात्र र छात्र क्वाड इभेन्ट र छात्र रेगु ईभेन्टमा गरिएको खेलमा सहभागी भई हिमालय मावि पहिलो भएको हो ।
सूर्य सेकेण्डरी ईङलिस बोर्डिङ स्कुल दोस्रो भयो भने महेन्द्र माध्यमिक विद्यालय तेस्रो भएको हो । हिमालय माविले छात्रा क्वाड र छात्र क्वाडमा स्वर्ण पदक प्राप्त गरेको थियो । सुर्य बोर्डिङले छात्र रेगुमा स्वर्ण, छात्रा क्वाडमा रजत र छात्र क्वाडमा कास्य पदक प्राप्त गरि दोस्रो स्थान प्राप्त गरे त्यस्तै, महेन्द्र माविले छात्र क्वाडमा रजत र छात्र रेगुमा कास्य पदक प्राप्त गरि तेस्रो स्थान प्राप्त गरेका थिए।
सहभागी मनकामना रत्न अम्बिका मावि तुम्लिङटारले छात्र रेगुमा रजत पदक, बरुण सेकेण्डरी ईङ्लीस स्कुलले छात्र रेगुमा कास्य र महिला क्वाडमा कास्य पदक प्राप्त गरेका थिए ।
त्यस्तै बालायाम्दाङ माध्यमिक विद्यालय सिलीचोङले छात्र क्वाडमा कास्य र आदर्श विद्या मन्दिर पाठक गाउँले छात्रा क्वाडमा कास्य पदक प्राप्त गरेका थिए । प्रतियोगिताको उत्कृष्ट छात्रतर्फ बरुण बोर्डिङका छत्र राई र र छात्रा तर्फ हिमालय माविकी रामकुमारी राई भईन् ।
शुक्रबार र शनिबार सुर्य बोर्डिङमा आयोजित प्रतियोगीतामा संखुवासभाका खाँदबारी नगरपालिका र सिलीचोङ गाउँपालिकाका ७ विद्यालय सहभागी रहेका थिए ।
समापन समारोहकका प्रमुख अतिथि खाँदबारी नगरपालिकाका नगरप्रमुख महेश थपलियाले मेडलिष्ट खेलाडीहरुलाई पदक, प्रमाण पत्र, शिल्ड तथा नगद प्रदान गरेका थिए ।
प्रतियोगिताका पहिलोले नगद २० हजार, दोस्रोले १५ हजार र तेस्रोले १० हजार प्राप्त गरेका थिए ।
