संखुवासभा । जिल्लाको खाँदबारी नगरपालिका–३ मानेभञ्जाङ्गमा जारी छैंटौं मानेभञ्जाङ्ग फुटबल कप प्रतियोगिताको फाइनलमा सेकाहा र सभापोखरी पुगेको छ ।
आज (शुक्रबार) भएको सेमिफाइनलको पहिलो खेलमा सेकाहा क्लब र मानेभञ्जाङ क्लब बीच प्रतिस्पर्धा भएको थियो । निर्धारित समयमा दुवै टिमले बराबर खेलेपनि ट्राइबे्रकरमा ५–३ गोल गर्दै सेकाहा विजयी बने ।
त्यसैगरि सेमिफाइनलको दोस्रो खेलमा सभापोखरी फुटबल क्लब र भोटिया क्लब बीच प्रतिस्पर्धा भएको थियो । सभापोखरीले ६–० गोलको फराकिलो अन्तरमा भोटिया क्लबलाई हराए ।
मंगलबार देखि शुरु भएको छैंटौं मानेभञ्जाङ्ग फुटबल कप प्रतियोगिताको फाइनलमा पुगेका सेकाहा र सभापोखरी बीचको खेल भोली (शनिबार) हुनेछ । ‘सामाजिक सद्भावका लागि युवा एकता–विकृति, विसंगतिका विरुद्ध खेलकुदद्धारा सहकार्यको प्रतिबद्धता’ भन्ने नारासहित शुरु भएको प्रतियोगितामा जिल्लाभित्रका २० वटा क्लबले सहभागीता जनाएका थिए ।
प्रतियोगिताका विजेताले १ लाख, ट्रर्फी, मेडल र प्रमाणपत्र प्राप्त गर्नेछन् भने उपविजेताले ५० हजार, ट्रर्फी, मेडल र प्रमाणपत्र प्राप्त गर्नेछन् । त्यसैगरि सेमिफाइनलिष्ट दुई टिमले २०/२० हजार रुपैया प्राप्त गर्नेछन् । सर्वोत्कृष्ट खेलाडी ३ हजार, सर्वाधिक ३ हजार र उत्कृष्ट गोलरक्षकले ३ हजार रुपैया प्राप्त गर्नेछन् ।
Congratulations 🎊