संखुवासभा । लामो समयदेखि मानवअधिकारको क्षेत्रमा काम गर्दै आएको संस्था मानवअधिकार तथा शान्ति समाज जिल्ला कार्यसमिति संखुवासभाले कारागारमा दुई जना कैदीको मृत्यु भएको घटनाप्रति गम्भीर ध्यानाकर्षण भएको जनाएको छ ।
बिहिबार एक विज्ञप्ती जारी गर्दै जिल्ला कारागार संखुवासभामा दुई जना कैदीबन्दीको मृत्यु घटनाप्रति गम्भीर ध्यानाकर्षण भएको र बन्दीको मृत्यु हुनु दुःखत घटना भएको जनाएको छ । कारागारभित्र नै ज्यानु जानु भनेको मानवअधिकारको उपहास भएको भन्र्दै घटनाको सत्यतथ्य छानविन गरि बाहिर ल्याउनु पर्ने र दोषीलाई कारबाही हुनुपर्ने माग गरेका छन् । शान्ति समाजका अध्यक्ष लोकदर्शन शाक्यद्धारा विज्ञप्ती मार्फत दोषीलाई कारबाहीको दायरामा जोडदार माग गरिएको जनाएको छ ।
शुक्रबार मानवअधिकार तथा शान्ति समाजका पदाधिकारीहरुले संखुवासभाका प्रमुख जिल्ला अधिकारी शिवकुमार कार्कीलाई विज्ञप्ती बुझाउर्दै दोषीलाई कारबाहीको दायरामा ल्याउन माग गरेका थिए ।
कारागार जस्तो सुरक्षाघेरा भित्र नै कैदीबन्दीको मृत्यु हुनुले मानवअधिकारको हनन् भएको मानवअधिकार तथा शान्ति समाजका केन्द्रीय सदस्य निर्मला गुरुङले बताईन् । उनले दोषीलाई तत्कालै सार्वजनिक गर्नुपर्ने माग समेत गरिन् ।
गएको बुधबार जिल्ला कारागार खाँदबारीमा संखुवासभाको मादी नगरपालिका–५ का विनोद तोलाङ्गी र नुवाकोटको ककनी गाउँपलिका–७ का आकाश बलामीको कुटपिटबाट मृत्यु भएको थियो ।
