संखुवासभा । संखुवासभामा दुई जनाको हत्या गरि फरार महिला २० बर्षपछि पक्राउ परेकी छिन् ।
फरार रहेकी संखुवासभाको साविक सिद्धकाली गाविस–२ हाल चैनपुर नगरपालिका–३ बस्ने ३५ बर्षीय कैली तामाङलाई बुधबार मोरङ जिल्लाको केराबारी गाउँपालिका—१० बाट पक्राउ गरिएको जिल्ला प्रहरी कार्यालय संखुवासभाका प्रहरी निरिक्षक अशोककुमार जबेगुले बताए । उनको अनुसार, फरार तामाङलाई संखुवासभालाई कारागार चलान गरिएको छ ।
तामाङले २०६० फागुन १० गते बेलुकाको समयमा हराएको पाईप लिन गएका सोही स्थानमा बस्ने स्थानीय छिमेकी मंगल लिम्बु र योगेन्द्र दाहाललाई लाठी–मुङ्ग्री, ढुङ्गा, खुकुरीले आक्रमण गरी कर्तव्य गरी हत्या गरि सोही ठाउँको बतासे भीरबाट फ्याकी फरार भएकी थिइन् ।
तामाङलाई संखुवासभा जिल्ला अदालतले २०६६ साल फागुन १२ गते दोषी ठहर गर्दै २० बर्ष कैद फैसला सुनाएको थियो । त्यसपछि फरार रहेकी प्रतिवादी तामाङलाई २० बर्षपछि प्रहरीले पक्राउ गरेको हो । फरार तामाङलाई संखुवासभा जिल्ला अदालतमा उपस्थित गराई कैद भुक्तानको लागि विहिबार नै जिल्ला कारागार पठाइएको प्रहरीले जनाएको छ ।
