संखुवासभा । नेपाल कम्युनिष्ट पार्टी (नेत्रविक्रम चन्द समुह)ले आगामी २०८४ को चुनाव लड्ने बताएको छ ।
विहिबार सदरमुकाम खाँदबारीस्थित पत्रकार महासंघको कार्यालयमा पत्रकारहरुसँग भेटघाट गर्दै नेपाल कम्युनिष्ट पार्टी (नेत्रविक्रम चन्द समुह)का जिल्ला इन्चार्ज तथा केन्द्रीय सदस्य देव सीले यस्तो बताएका हुन् । उनले पार्टीका गतिविधीहरु आमनागरिकहरु सम्म पु-याउनका लागि आफूहरु खुलेर बाहिर आएको बताए ।
‘पार्टीको केन्द्रीय बैठकले राष्ट्रियताको सवालमा खाँस गरि तीन वटा मुद्धा उठाएको छ । पहिलो अमेरिकी सहयोग एमसीसी परियोजनाको विरोध गर्ने र यो राष्ट्रघाती निर्णय हो । दोस्रो नेता तथा कार्यकर्ताहरुलाई उत्पादनसँग जोड्ने, त्यो भनेको आत्मनिर्भर नेता, आत्मनिर्भर कार्यकर्ता र आत्मनिर्भर अर्थतन्त्र हुन्छ भन्ने पार्टीले मान्यता बोकेको छ । तेस्रो प्रत्येक घरघरमा उत्पादन र टोलटोलमा उत्पादन अभियान संचालन गरिनेछ । यि कुराहरु बुझाउन अव हामी समुदायस्तरमा गाउँ–गाउँ पुग्ने योजना छ ।’—देव सीले भने ।
नेपाल कम्युनिष्ट पार्टी संखुवासभाको अव छिट्टै जिल्ला सम्मेलन गर्ने तयारीमा समेत जुटेको देव सीले खुलासा गरे । उनले आगामी माघ र फागुनभित्र जिल्ला सम्मेलन गर्ने तयारीमा जुटेको स्पष्ट पारे । पार्टीले आगामी २०८४ को निर्वाचन लड्ने निर्णय गरेकाले पार्टीलाई मजबुद र सशक्त बनाउदै अघि बढिरहेको उनको भनाइ छ ।
नेपाल कम्युनिष्ट पार्टीका केन्द्रीय महासचिव नेत्रविक्रम चन्द र अघिल्लो पटक केपी शर्मा ओली प्रधानमन्त्री भएको समयमा राजनैतिक मुद्धाहरु फिर्ता लिने लगायतका सहमति गरेका थिए । त्यसपछि नेपाल कम्युनिष्ट पार्टी अलि खुला भएर जनस्तरमा निस्कन थालेको हो ।
भिडियो .....
https://www.youtube.com/watch?v=zYx6ZoSuauU&t=342s
