संखुवासभा । नेपाली कांग्रेसले गत २१ फागुनमा सम्पन्न प्रतिनिधीसभा निर्वाचनमा अप्रत्यासित नजिता प्राप्त भएपछि एक महिने जरा अभियान शुरु गरेको छ ।
सोमबार सदरमुकाम खाँदबारीमा प्रेस युनियनले आयोजना गरेको पत्रकार सम्मेलनमा नेपाली कांग्रेस शुरु गरेको जरा अभियानको बारेमा जानकारी दिएको हो ।
नेपाली कांग्रेसका केन्द्रीय प्रतिनिधी आन्नदसन्तोषी राईले जरा अभियानले कांग्रेसलाई रुपान्तरण गर्ने र तल्लो तहसम्म जागरण गरि क्रियाशील सदस्यहरुलाई सक्रिय बनाई पार्टी बलियो बनाउने उद्धेश्य रहेको बताए । उनले पार्टी बलियो बन्न रुखको जरा सिंचित गर्न, गोडमेल गर्न र पार्टीमा ताजगी अभिबृद्धि गर्न यो अभियानले मद्धत पुग्ने बताए ।
त्यसैगरि नेपाली कांग्रेसका केन्द्रीय सदस्य दीपनकुमार श्रेष्ठले राष्ट्रियताको विषय, लोकतन्त्र र संघीयताका बारेमा जनस्तर सम्म पार्टीको कुरा बुझाउन अभियान संचालन गरिएको बताए ।
संखुवासभाको १० वटै स्थानीय तह र ७६ वटै वडास्तर सम्म पुगेर पार्टीको कार्यक्रम संचालन हुने नेपाली कांग्रेस संखुवासभाले जनाएको छ । उक्त पत्रकार सम्मेलनमा नेपाली कांग्रेस संखुवासभाका कार्यबहाक सभापति अन्नतकुमार गौली, पार्टी सचिव टकमान घले, महिला संघका सभापति निरु तामाङ बस्नेत लगायतका नेताहरुको उपस्थिती रहेको थियो ।
Link : https://www.youtube.com/shorts/bDlz9TMI6uM
